Wednesday 12 August 2009

என்னத்தங்க தலைப்பு வெக்கறது இதுக்கு?


இந்த இடுகையை "குட் பிளாக்ஸ்" பகுதியில் வெளியிட்ட இளமை விகடனுக்கு என் நன்றிகள்...!!



இன்னும் இரெண்டு நாள் தான் இருக்கு சுதந்திர தினத்துக்கு! ஆமாம், நமக்கு ஆங்கிலேயர்கள் கிட்டேருந்து சுதந்திரம் கெடச்சி வருஷக் கணக்குல ஆயிடுச்சி தான்... ஆனா, சுதந்திரம் கெடச்சும் நாம யாரும் அத சரிவர உபயோகிக்க தெரியாம, திரும்பவும் அவனுங்க கிட்ட தான் அடிமையா வாழ்ந்துக்கிட்டு இருக்கோம்! நம்ம நாட்ட விட்டுட்டு வெளி நாட்டுக்கு வந்து நெறைய சம்பாதிக்கரோமுங்கர பேர்ல, அவங்களுக்கு ஒழச்சி கொட்டி மத்தவன் நாட்டுக்கு சேவை செய்யறோம்... காசுக்காக அண்டை நாட்டுக் காரனுக்கு ஒழச்சி, அவன் நாட்ட முன்னேத்தரதுக்குப் பேர் அடிமைத் தனம் தானே?

கொஞ்ச நாளா யாரப் பாத்தாலும் இது 'recession time' .... 'வேல போயிடுச்சி', 'அலுவலகத்துல வேல கம்மி ஆயிடுச்சி ' இப்டித் தான் சொல்லிக்கிட்டு திரியறாங்க... இதுல ஒரு விஷயத்த நாம யோசிக்கனும்ங்க... நாம நம்ம நாட்ட விட்டுட்டு மத்தவன் கிட்ட கை ஏந்திக்கிற்றுக்கோம்... இது ஒரு வகையில பிச்ச எடுக்கறது தான் ங்க... :( இன்னும் சொல்லப் போனா அத விட கேவலம்!

(யார் மனசையும்(வெளி நாட்ல வசிக்கரவங்களையும், அங்க வேல செய்யறவங்களையும்)புண்படுத்தணும்னு நான் இதச் சொல்லல.. ஆனா, வெளி நாட்ல வாழ்ந்துக்கிட்டு நம்ம நாட்டுக்காக ஏதும் செய்ய முடியாத சூழ்நிலையில்(தனிப்பட்ட காரணங்களால்) வாழும் இந்தியர்களில் ஒருவளான என்னுடைய ஆதங்கம் தான் இது)

அமெரிக்க குடியரசுத் தலைவர் 'ஒபாமா' ஒரு பேட்டில(meeting ல) அவங்க நாட்ட முன்னேத்தரதுக்கான வழிகள பத்தி பேசும் போது... "தம் நாட்டிலும்(அமெரிக்கா வில்) இந்தியா மற்றும் சீனா விற்கு இணையான கல்வியை வழங்க அதற்கு தகுந்த கல்விக் குழுவை (educational trusts) அமைக்கப் போவதாகச் சொன்னார்".

எல்லா வகையிலையும் சிறந்து விளங்கர அமெரிக்க நாடே நம் நாட்டோடக் கல்வியையும், இளைஞர்களையும் அவங்களோட திறமையையும் பாத்து வியப்படையுது... ஆனா நாம ஜாதி மத வெறி பிடிச்சு அலையறோம்! அது போதாதுன்னு மொழி வெறி வேற! இப்டி லாம் யோசிக்காம கொஞ்சம் சமயோசித உணர்வு இருக்கறவங்களும்...

"நம்ம நாட்டுக்காக ஒழச்சி நம்ம நாட்ட முன்னேத்தணும்னு நாம நெனச்சாலும் இந்த படுபாவி அரசியல்வாதிங்க விட மாட்டானுங்க ' "னு சுலபமா(!) சொல்லிட்டு நம்ம பொழைக்கற வழிய பாப்போம் னு வெளி நாட்டுக்கு போயிடறாங்க...

வேற்றுமையில் ஒற்றுமை னு நாம ரொம்ப பெருமையா சொல்லிக்கிட்டு திரியறோம்! ஆனா, நடக்கறத பாத்தா வயத்தெரிச்சல் தான் மிஞ்சுது.. இலங்கை ல நம்ம தமிழர்கள தாக்கராங்கனும் போது நம்மளால ஆதங்கப் படறத தவிர வேற என்னங்க செய்ய முடிஞ்சிது? பதவி ல இருக்கறவங்க அவங்கவங்க பதவிய தக்க வெச்சிக்க கடைசி நிமிஷத்துல உண்ணா விரதம் அது இது னு சொன்னாங்களே தவிர வேற என்ன செஞ்சாங்க? சரி நம்ம மத்திய அரசு தக்க சமயத்துல ஒரு குரல் கொடுத்திருக்கலாம்ல? அத செஞ்சாங்களா? அவங்களுக்கு தமிழர்கள்னா அவ்ளோ இளக்காரமா? இல்ல, இதே அவங்களுக்கு(வட இந்தியர்களுக்கு) ஏற்பட்டிருந்தா சும்மா விட்டிருப்பாங்களா?

நேத்திக்கி, ஒரு பதிவு படிச்சேன்ங்க நானு... அதுல, நம்ம இந்தியாவ 20 அல்லது 30 நாடுகளா பிரிச்சா தான் ஆசியாவ மேம்படுத்த முடியும்னு சீனா சொல்லுதாம்! இந்த கொடுமைய எங்க போயி சொல்றது? வேற்றுமையில் ஒற்றுமை னு நாம சொல்றது அவங்களுக்கு 'atrocious' அஹ படுதாம்! இந்தியாவ பல நாடுகளா(ஐரோப்பா நாடுகள் மாறி) பிரிச்சாத் தான் தெற்கு ஆசியாவை மேம்படுத்த முடியுமாம்(?)! ஜாதிகளையும் பிரிவுகளையும் அப்போ தான் ஒழிக்க முடியுமாம்! இதுக்கு, பாகிஸ்தான், புடான், நேபால் போன்ற தோழமை(!) நாடுகளோட ஒத்துழைப்ப பெறப்போகுதாம் சீனா! இல்ல... தெரியாம தான் கேக்கறேன்.. அதென்ன ங்க நம்மள பிரிக்கறதுல அவனுங்களுக்கு அவ்ளோ ஆர்வம்? அது சரி... நமக்கு நாமலே அடிச்சிக்கிட்டு இருந்தா மத்தவனுங்க மூக்க நொழைக்காமலா இருப்பானுங்க?! இது... "இரெண்டு பூனை சாப்பாட்ட பிரிச்சி சாப்ட அடிச்சிக்கும் போது ஒரு கொரங்கு வந்து எல்லாத்தையும் அது தின்னுட்டு போன கதையாத் தான் முடியப் போவுது..."




தங்கள் வருகைக்கு என் நன்றிகள்!! படித்ததில் நிறை குறைகளை பின்னூட்டமிட்டுச் செல்லுங்கள்!!

21 பேர் கருத்து சொல்லியிருக்காங்க...:

பிரியமுடன்.........வசந்த் said...

//காசுக்காக அண்டை நாட்டுக் காரனுக்கு ஒழச்சி, அவன் நாட்ட முன்னேத்தரதுக்குப் பேர் அடிமைத் தனம் தானே? //

உண்மைதான் அப்பறம் ஏன் நீ இப்போ ஜெர்மனிக்கு போயிருக்க?

பிரியமுடன்.........வசந்த் said...

//நாம நம்ம நாட்ட விட்டுட்டு மத்தவன் கிட்ட கை ஏந்திக்கிற்றுக்கோம்... இது ஒரு வகையில பிச்ச எடுக்கறது தான் ங்க... :( இன்னும் சொல்லப் போனா அத விட கேவலம்! //

நாங்க ஒண்ணும் சும்மா சம்பளம் வாங்கலியே உழைச்சுத்தானே வாங்குறோம் குளிர்ல இருந்து ஈசியா நீ பேசலாம்

இங்க கத்தார் வந்து பார் இந்த வெயில்ல எவ்ளோ 58 டிகிரி இதுல நாங்க இந்தியாவுல ஏசிக்காத்துல சம்பளம் வாங்குறவன விட உசத்திதான்

"பிரியங்கா" said...

பிரியமுடன்.........வசந்த் said...
//காசுக்காக அண்டை நாட்டுக் காரனுக்கு ஒழச்சி, அவன் நாட்ட முன்னேத்தரதுக்குப் பேர் அடிமைத் தனம் தானே? //

உண்மைதான் அப்பறம் ஏன் நீ இப்போ ஜெர்மனிக்கு போயிருக்க?

//

அண்ணா... 'நான் என்னையும் சேர்த்து தான் சொல்றேன்'... நான் சொன்னத தப்பா நெனைக்காதீங்க... யாரையும் தனியா குறிப்பிடல நானு..

"பிரியங்கா" said...

நாங்க ஒண்ணும் சும்மா சம்பளம் வாங்கலியே உழைச்சுத்தானே வாங்குறோம் குளிர்ல இருந்து ஈசியா நீ பேசலாம்

இங்க கத்தார் வந்து பார் இந்த வெயில்ல எவ்ளோ 58 டிகிரி இதுல நாங்க இந்தியாவுல ஏசிக்காத்துல சம்பளம் வாங்குறவன விட உசத்திதான்//


திரும்பவும் அதையேத் தான் சொல்றேன் அண்ணா நானு,... "ஒழச்சிக் கொட்டறோம் தான்" எவனுமே நாம ஒழிக்காம காச கண்ல காட்ட மாட்டான்.. உண்மை தான்...


ஆனா, நான் சொல்ல வந்தது... நம்ம நாட்டுக்கு ஒழிக்க முடியாம வெளி நாட்டுக் காரனுங்களுக்கு ஒழைக்கறோம் ங்கறது கஷ்டமான ஒன்னு தானே அண்ணா?


இந்தியாவுல வேல செய்யறவங்க ஒசத்தி, மத்த நாட்டுல வேல செய்யறவங்க கேவலம்னு நான் சொல்லல அண்ணா...( அப்டியே சொன்னாலும் அதுல நானும் சேர்வேன்..) நம்மளுக்குள்ள(இந்தியர்களுக்குள்ள) ஒற்றுமை இல்லியே அண்ணா... அது தான் வருத்தப் பட வேண்டிய விஷயம்... நான் சொன்னது உங்கள கஷ்டப் படுத்தி இருந்தா என்ன மன்னிச்சிக்கோங்க...

யார் மனசையும்(வெளி நாட்ல வசிக்கரவங்களையும், அங்க வேல செய்யறவங்களையும்) புன்படுத்தனும்னு நான் இதச் சொல்லல..

பிரியமுடன்.........வசந்த் said...

//ஆனா, நான் சொல்ல வந்தது... நம்ம நாட்டுக்கு ஒழிக்க முடியாம வெளி நாட்டுக் காரனுங்களுக்கு ஒழைக்கறோம் ங்கறது கஷ்டமான ஒன்னு தானே அண்ணா? //

நம்ம நாட்டுல படிச்சோம் பட்டம் வாங்குணோம் உண்மைதான் ஆனா உழைப்புக்கு தகுந்த ஊதியம் கொடுக்கலியே..

வெளிநாட்டு அந்நிய செலவாணி எவ்ளோ வருதுன்னு தெரியுமா உங்களுக்கு (இனிமேல் மரியாததான் நீங்க பெரியாளாயிட்டீங்க?

பிரியமுடன்.........வசந்த் said...

அப்பறம் அந்த கூகுள் ட்ரான்ஸ்லேட்டர்ல இருந்து எழுதுறத நிறுத்துங்க ஏகப்பட்ட ஸ்பெல்லிங் மிஸ்டேக்ஸ்

"பிரியங்கா" said...

(இனிமேல் மரியாததான் நீங்க பெரியாளாயிட்டீங்க?
//

உங்க வார்த்தைகள் லேருந்தே தெரியுது உங்கள நான் கஷ்டப்படுத்தி இருக்கேன்னு.. மன்னிச்சிடுங்க அண்ணா... நம்ம நாட்டுல உழைக்கரவங்களுக்கு அவங்களுக்கு தகுந்த ஊதியம் தரலைன்னு தானே ண்ணா வெளி நாட்டுக்கு வர வேண்டிய சூழ்நிலைக்கு தள்ளப் படறோம்?!

உண்மை தான் அண்ணா.. எனக்கு நீங்க சொல்ற 'வெளிநாட்டு அந்நிய செலவாணி' எல்லாம் சரி வரக் கணக்கு தெரியாது தான்...

இதப் பத்தி பேச ஆரம்பிச்சா பேசிக்கிட்டே தான் போகணும்... உதாரணமா நம்ம நாட்டுல சரிவர income tax யாரும் கற்றதில்ல... சிலர் கட்டினாலும் அத அரசியல்வாதிங்க சொரண்டிடறாங்க...

நாட்ட முன்னேத்தரதுல இருக்கற கவனத்த விட அவங்களுக்கு சிலை வெச்சிக்கறதுல தான் மும்மரமா இருக்காங்க சில அரசியல்வாதிங்க... இப்டி இருக்கும் போது நாடு எப்டி உருப்படும்?

பிரியமுடன்.........வசந்த் said...

கணக்கு தெரியாதா இங்க பாருங்க

1977 லிருந்து 1990 வரை அந்நிய செலவாணி கையிருப்பு தொகை 5 கோடி டாலர்களாக இருந்தன. இன்று இதே கையிருப்பு தொகை 200
கோடி டாலர்களாக உள்ளன.

"பிரியங்கா" said...

உங்க தகவலுக்கு நன்றி

குறை ஒன்றும் இல்லை !!! said...

இல்லேங்க நான் இத ஒத்துக்க மாட்டேன்.. ஏன்னா திரை கடல் ஓடியும் திரவியம் தேடுன்னு தான் சொல்லி இருக்காங்க.. அப்புறம் இது வின்-வின் மாதிறி.. அங்கே வேலை செஞ்சு சம்பாதிக்கிறது நமக்கும் லாபம், வேலை குடுக்கறவனுக்கும் லாபம்..அதனால அடிமை தொழில் ஒண்ணும் இல்ல..

நாம இந்தியாவிலிருந்தும் செய்யாத வேலையை வயித்துக்காக செய்ரது அடிமைத்தொழில் இல்லேம்மா.. அத விட கேவலமா இங்க அடிமையா இருக்கிறாங்க ..

"பிரியங்கா" said...

இல்லேங்க நான் இத ஒத்துக்க மாட்டேன்.. ஏன்னா திரை கடல் ஓடியும் திரவியம் தேடுன்னு தான் சொல்லி இருக்காங்க.. அப்புறம் இது வின்-வின் மாதிறி.. அங்கே வேலை செஞ்சு சம்பாதிக்கிறது நமக்கும் லாபம், வேலை குடுக்கறவனுக்கும் லாபம்..அதனால அடிமை தொழில் ஒண்ணும் இல்ல..//

நான் எந்த 'தொழிலையும்' அடிமைத் தனம்னு சொல்லலங்க..
நான் அடிமைத் தனம் னு சொன்னது எந்த ஒரு தனிப்பட்ட தொழிலையும் இல்லங்க...
ஆனா, ஒரு சில நாட்டுல(பேர் சொல்ல விரும்பல,) நம்ம இந்தியர்கள் கூலி ஆட்களா தான வேலை செய்யறாங்க! இப்டி செய்யறத நால அவங்கள மட்டும் இது பாதிக்கல, நம்ம இந்தியர்கள் நாவே இளக்காரமா தான் பாக்கறாங்க அந்த நாட்டுல லாம்...

குறை ஒன்றும் இல்லை !!! said...

//நம்ம நாட்ட விட்டுட்டு வெளி நாட்டுக்கு வந்து நெறைய சம்பாதிக்கரோமுங்கர பேர்ல, அவங்களுக்கு ஒழச்சி கொட்டி மத்தவன் நாட்டுக்கு சேவை செய்யறோம்... காசுக்காக அண்டை நாட்டுக் காரனுக்கு ஒழச்சி, அவன் நாட்ட முன்னேத்தரதுக்குப் பேர் அடிமைத் தனம் தானே?//

பாருங்க.. நம்ம ஊர்ல இதவிடவும் கேவலமா இருக்குறாங்க.. அங்கே அடிமையா இருந்தாலும் அவன் குடும்பம் இங்கே தலை நிமிர்ந்து இருக்குங்க.. அவன யார் கேவலமா பார்த்தாலும் அவனுக்கு அது கவலையில்லை ஆனா அவன் குடும்பத்த இங்கே யாரும் கேவலமா பார்க்க கூடாதுண்னு தான் அவன் அங்கே வேலை செய்ராங்க..

இராகவன் நைஜிரியா said...

நீங்க சொல்வது ஒரு வித்தத்தில் சரியாக இருந்தாலும், வெளி நாட்டில் வந்து உழைத்து நமக்கு தேவையான அன்னியச் செலவானியை ஈட்டித் தருகின்றோம் என்பதே பெரிய விசயமுங்க.

நிச்சயமாக நாம் செய்வது அடிமைத் தொழில் இல்லீங்க. நம் கல்விக்கு கிடைத்த அங்கீகாரம் இது. அவர்களால் செய்ய முடியாததை நாம் செய்கின்றோம் இல்லையா?

பார்க்கும் பார்வையில் தான் எல்லாமே இருக்கு. இன்று உங்களாலோ / என்னாலோ சில குழைந்தகளுக்கு படிப்புக்கு உதவி செய்ய முடிகின்றது என்றால் அதற்கு நம் பொருளாதார முன்னேற்றம் தாங்க காரணம்.

இது நம்ம ஆளு said...

ஆனா, சுதந்திரம் கெடச்சும் நாம யாரும் அத சரிவர உபயோகிக்க தெரியாம, திரும்பவும் அவனுங்க கிட்ட தான் அடிமையா வாழ்ந்துக்கிட்டு இருக்கோம்! நம்ம நாட்ட விட்டுட்டு வெளி நாட்டுக்கு வந்து நெறைய சம்பாதிக்கரோமுங்கர பேர்ல, அவங்களுக்கு ஒழச்சி கொட்டி மத்தவன் நாட்டுக்கு சேவை செய்யறோம்... காசுக்காக அண்டை நாட்டுக் காரனுக்கு ஒழச்சி, அவன் நாட்ட முன்னேத்தரதுக்குப் பேர் அடிமைத் தனம் தானே?

அருமை

"பிரியங்கா" said...

குறை ஒன்றும் இல்லை !!! said...
பாருங்க.. நம்ம ஊர்ல இதவிடவும் கேவலமா இருக்குறாங்க.. அங்கே அடிமையா இருந்தாலும் அவன் குடும்பம் இங்கே தலை நிமிர்ந்து இருக்குங்க.. அவன யார் கேவலமா பார்த்தாலும் அவனுக்கு அது கவலையில்லை ஆனா அவன் குடும்பத்த இங்கே யாரும் கேவலமா பார்க்க கூடாதுண்னு தான் அவன் அங்கே வேலை செய்ராங்க..//






நீங்க சொல்றது உண்மை தான் ங்க...

அவங்க குடும்பம் தலை நிமிந்து நடக்க தான் அவங்க கஷ்டப்படறாங்க, அண்டை நாட்டுக் காரன் கிட்ட அசிங்கப்படறாங்க..

வெளி நாட்டுக்கு போயி வேல செய்யறவங்க தனிப்பட்ட மனுஷனா கருதப்படரதில்லீங்களே! எந்த நாட்டிலேருந்து அவங்க போறாங்களோ அந்த நாட்டத் தான குறிக்கறாங்க?

அவங்களோட சேந்து நம்ம இந்தியாவும் தான் அசிங்கப்படுது ங்கறது தான் என்னோட கருத்து!

"பிரியங்கா" said...

// இராகவன் நைஜிரியா said...
நீங்க சொல்வது ஒரு வித்தத்தில் சரியாக இருந்தாலும், வெளி நாட்டில் வந்து உழைத்து நமக்கு தேவையான அன்னியச் செலவானியை ஈட்டித் தருகின்றோம் என்பதே பெரிய விசயமுங்க.

நிச்சயமாக நாம் செய்வது அடிமைத் தொழில் இல்லீங்க. நம் கல்விக்கு கிடைத்த அங்கீகாரம் இது. அவர்களால் செய்ய முடியாததை நாம் செய்கின்றோம் இல்லையா?

பார்க்கும் பார்வையில் தான் எல்லாமே இருக்கு. இன்று உங்களாலோ / என்னாலோ சில குழைந்தகளுக்கு படிப்புக்கு உதவி செய்ய முடிகின்றது என்றால் அதற்கு நம் பொருளாதார முன்னேற்றம் தாங்க காரணம்.//






நான் அடிமைத் தொழில் னு எதையும் குறிப்பிடலீங்க... அவங்க நாட்ல இருக்கறவங்க செய்ய முடியாத ஒரு வேலைய நம் நாட்டுலேருந்து சென்று செய்து முடிக்கறாங்க ங்கறது நிச்சயமா கர்வமான ஒரு விஷயம் தான்!

ஆனா, நாம் செய்யும் தொழிலை வைத்துத் தானே நம் நாட்டின் மதிப்பை எடை போடறாங்க அந்நிய நாட்டுக் காரங்க? ஒரு சிலர் வறுமையின் காரணமாகவும் வேறு சில தனிப்பட்டக் காரணங்களாலும் எடுபிடி வேலையாட்களாகவும், கூலியாட்களாகவும் வேலை செய்யறாங்க அண்டை நாட்டுக் காரங்க கிட்ட... அந்த சூழ்நிலைல அந்த வேலை செய்யறவங்களோட வீட்ல எல்லாரும் தலை நிமிந்து நடந்தாலும், அண்டை நாட்டுக் காரனால அசிங்கப்படற அந்த ஒரு இந்தியனால (ஒரு வேலையாளாக இருந்தாலும்) இந்தியாவே தலை குனிகின்றதே?!

இது என்னோட தனிப்பட்ட கருத்துங்க... நான் யார் மனசையும் புண்படுத்தனும் னும் இது எதையும் சொல்லல... நான் ஏதாவது தவறா சொல்லி இருந்தா என்னை மன்னிக்கவும்...

"பிரியங்கா" said...

//இது நம்ம ஆளு said...
அருமை//

நன்றிங்க...

சந்ரு said...

நீங்க உங்க ஆதங்கத்த சொல்லி இருக்கிங்க உங்க பக்கம் பார்த்த சரிதான் உங்க மனசில ஏதோ ஒன்றை வைத்துக்கொண்டு சொல்றிங்க என்று புரிகிறது. எங்க நாடுகளில் படித்தும் வேலை இல்லை. அங்கெ நாம் கஷ்டப்பட்டு உழைத்தாலும் எங்களை அந்த அந்நியச் செலாவணி வாழ வைக்கிறது இல்லையா.

நீங்க சொல்ல நினைத்தது வேற எழுதியிருக்கிறது வேற என்பது உங்க பின்னூட்டத்தில் இருந்தது புரிகிறது.

தொடருங்கள்...

"பிரியங்கா" said...

//நீங்க சொல்ல நினைத்தது வேற எழுதியிருக்கிறது வேற என்பது உங்க பின்னூட்டத்தில் இருந்தது புரிகிறது.
//

உண்மை தாங்க... சொல்ல வந்தத சரி வர சொல்ல தெரியாம நான் ஒன்னு சொல்ல, அது பல பேர பாதிச்சிடுச்சி... என் தவறு என் முந்தைய பின்னூட்டம் அளித்த பிறகு தான் எனக்கு விளங்கியது.. ஆனால்... நம் படிப்பை வைத்து நம் நாட்டிலேயே உழைத்து நம் உழைப்புக்கு தகுந்த ஊதியமும் பெற இன்னும் எத்தனை ஆண்டுகள் காத்திருக்க வேண்டுமோ தெரியவில்லை!

பிரியமுடன்.........வசந்த் said...

வாழ்த்துக்கள் பிரியா

இந்த இடுகை யூத்ஃபுல் விகடனின் குட் ப்லாக்கில்

http://youthful.vikatan.com/youth/index.asp

"பிரியங்கா" said...

// பிரியமுடன்.........வசந்த் said...
வாழ்த்துக்கள் பிரியா

இந்த இடுகை யூத்ஃபுல் விகடனின் குட் ப்லாக்கில்
//

தகவலுக்கு ரொம்ப நன்றிங்க அண்ணா!!